टी-२० विश्वकप एसिया छनोटः नेपालले आज ओमानको सामना गर्ने

खेल

गृहपृष्ठ
खेल
टी-२० विश्वकप एसिया छनोटः नेपालले आज ओमानको सामना गर्ने

टी-२० विश्वकप एसिया छनोटः नेपालले आज ओमानको सामना गर्ने

बिहीबार, कात्तिक १६, २०८० शब्दचित्र

आईसीसी टी-२० विश्वकप २०२४ अन्तर्गत एसिया छनोटमा नेपालले समूह चरणको अन्तिम खेलमा आज बिहीबार ओमानसँग खेल्दैछ ।

नेपाल र ओमान दुवै टिम सेमिफाइनल पुगिसकेकाले कीर्तिपुरस्थित त्रिवि मैदानमा हुने खेलपछि समूह ‘ए’ को विजेताको टुंगो लाग्नेछ । खेल विहान ९ बजे सुरू हुनेछ ।

समूह एमा रहेका दुवै टिम सेमिफाइनल प्रवेश गरिसकेका छन् । यो खेलले समूह विजेता र उपविजेताको टुंगो लाग्नेछ । समूहका अघिल्ला खेलमा दुवै टोलीले सिंगापुर र मसेसियालाई पराजित गरेका थिए ।

टी-२० आईमा नेपाल र ओमानबीच चार खेल भएको छ । जसमा नेपाल तीन र ओमान एक खेलमा विजयी भएको छ । नेपालले ओमानसँग २०१९ मा चार देश सम्मिलित सिरिज हारेको थियो । नेपाल ६४ रनमा अल आउट हुँदै ६ विकेटले खेल गुमाएको थियो । नेपालले २०२२ मा ओमानसँग तीन खेल खेलेको थियो । तीनै खेलमा नेपालले ओमानलाई सहजै हराएको थियो ।

नेपाल र ‌ओमानबीच टी-२० अन्तर्राष्ट्रिय खेलमा अहिलेसम्म चार पटक प्रतिस्पर्धा भएको छ । जसमा नेपालले पछिल्ला तीन खेलमा जित निकालेको छ । नेपालले गत वर्ष भएको विश्वकप छनोटका दुवै खेलमा ओमानलाई हराएको थियो । २०२२ को फेब्रुअरीमा भएका खेलमा नेपाल ९ विकेट र ३९ रनले विजयी भएको थियो ।

नेपाल र ओमानबीच पहिलो टी-२० भने २०१९ को अक्टोबरमा भएको थियो। ओमानमा भएको टी-२० सिरिजको सो खेलमा नेपालमाथि ओमानले ६ विकेटको जित निकालेको थियो ।

आजै हुने समूह एको अन्तिम खेलमा समूह मलेसिया र सिंगापुर प्रतिस्पर्धा गर्दै छन् । प्रतियोगिताबाट बाहिरिसकेका दुवैका लागि सुखद अन्त्य गर्ने मौका हो । आज नै युएई र हंङकङ तथा बहराइन र कुवेत पनि आमने सामने हुनेछन् । यो खेलपछि मात्र समूह बीबाट अन्तिम चारमा पुग्ने टिमको टुंगो लाग्नेछ ।

प्रकाशित मिति: बिहीबार, कात्तिक १६, २०८० ०८:३१

प्रतिक्रिया दिनुहोस्