आईसीसी विश्व वरियतामा ऐरीको छलाङ

खेल

गृहपृष्ठ
खेल
आईसीसी विश्व वरियतामा ऐरीको छलाङ

आईसीसी विश्व वरियतामा ऐरीको छलाङ

बुधबार, वैशाख ५, २०८१ शब्दचित्र

काठमाडौं । नेपाली राष्ट्रिय क्रिकेट टिमका अलराउन्डर दिपेन्द्रसिंह ऐरीले आईसीसी क्रिकेटको विश्व वरियतामा ऐतिहासिक छलाङ मारेका छन् । ऐरी आईसीसी टी-२० वरियताको अलराउन्डरतर्फ ११औँ स्थानमा उक्लिएका हुन् ।

अन्तर्राष्टिय क्रिकेट काउन्सिल (आईसीसी) ले जारी गरेको नयाँ वरियतामा दीपेन्द्र १४औँ स्थान सुधार गर्दै ११औँ स्थानमा पुग्न सफल भएका हुन् ।

त्यसैगरी ब्याटिङतर्फको विश्व वरियतामा १६ स्थान सुधार गर्दै ऐरी ६२औँ स्थानमा उक्लिएका छन् ।

ऐरी हाल ओमानमा जारी एसीसी प्रिमियर कप क्रिकेट प्रतियोगितामा उत्कृष्ट प्रर्दशन गरिरहेका छन् । उनले उक्त प्रतियोगताअन्तर्गत कतारविरुद्धको खेलमा एकै ओभरमा छ छक्का प्रहार गरेका थिए ।

ब्याट्सम्यानको नयाँ वरियतामा नेपाली टोलीका कप्तान रोहितकुमार पौडेल ५३औँ स्थानमा रहँदा आसिफ शेखले ३६ स्थान सुधार गर्दै ७५औँ स्थानमा उक्लेका छन् । त्यस्तै कुशल मल्ल नौ स्थान सुधार गर्दै १००औँ स्थानमा पुगेका छन् ।

प्रकाशित मिति: बुधबार, वैशाख ५, २०८१ १८:४६

प्रतिक्रिया दिनुहोस्