प्रधानमन्त्री ओलीले शपथ लिएलगत्तै गठन गरे २२ सदस्यीय मन्त्रिपरिषद्

शब्दचित्र विशेष

गृहपृष्ठ
शब्दचित्र विशेष
प्रधानमन्त्री ओलीले शपथ लिएलगत्तै गठन गरे २२ सदस्यीय मन्त्रिपरिषद्

प्रधानमन्त्री ओलीले शपथ लिएलगत्तै गठन गरे २२ सदस्यीय मन्त्रिपरिषद् ओलील सरकारमा चार दल सहभागी, को को बने मन्त्री ?

सोमबार, असार ३१, २०८१ शब्दचित्र

काठमाडौ । नवनियुक्त प्रधानमन्त्री केपी शर्मा ओलीले पद तथा गोपनीयताको शपथग्रहण गरेका छन् । राष्ट्रपति रामचन्द्र पौडेलले राष्ट्रपति भवन शितल निवासमा आयोजित विशेष समारोहका बीच ओलीलाई पथ तथा गोपनीयताको शपथ गराएका हुन् ।

ओलीले देश र जनताको नाममा शपथ लिए । राष्ट्रपति पौडेलले आइतबार ओलीलाई प्रधानमन्त्रीमा नियुक्त गरेका थीए । २८ असारमा निवर्तमान प्रधानमन्त्री पुष्पकमल दाहाल प्रचण्डले प्रतिनिधिसभाबाट विश्वासको मत पाउन नसकेपछि नयाँ सरकार गठन प्रक्रिया सुरु भएको थियो । नेपाली कांग्रेसको समर्थनसहित ओलीले प्रधानमन्त्रीमा दाबी गरेका थिए ।

ओलीले एमाले र कांग्रेसबाट एक-एक जना उपप्रधानमन्त्री बनाएका छन् । कांग्रेसबाट प्रकाशमान सिंह उपप्रधानमन्त्री बन्दा एमालेबाट विष्णु पौडेल उपप्रधानमन्त्री बनेका छन् । सिंहले शहरी विकास र पौडेलले अर्थ मन्त्रालयको जिम्मेवारी पाएका छन् ।

सरकारमा कांग्रेस र एमालेसहित चार दल सहभागी भएका छन् । नवगठित जनता समाजवादी पार्टीबाट दुई जना र लोकतान्त्रिक समाजवादी पार्टी (लोसपाबाट) एक जना मन्त्री बनेका छन् । जसपाबाट प्रदीप यादव खानेपानी मन्त्री बनेका छन् भने नवलकिशोर साह सुडी महिला, बालबालिका तथा ज्येष्ठ नागरिक मन्त्री बनेका छन् ।

ओलीको मन्त्रीपरिषद्मा दलित सहभागी छैनन् भने महिलाबाट पनि दुई जना मात्रै मन्त्री बनेका छन् । आरजु राणा देउवाले परराष्ट्र मन्त्रालयको जिम्मेवारी पाउँदा विद्या भट्टराईले शिक्षा, विज्ञान तथा प्रविधि मन्त्रालयको जिम्मेवारी पाएकी छन् ।

योसँगै प्रधानमन्त्रीसहित ओलीको मन्त्रीमण्डल २२ सदस्यीय बनेको छ । यस्तो छ ओलीको मन्त्रीपरिषद् ।