काठमाडौं । सामाजिक सञ्जाल इन्स्टाग्राममा सबैभन्दा बढी फलोअर्स भएका १० सेलिब्रेटीको नाम हालै सार्वजनिक भएको भारतीय मिडियाहरूले जनाएका छन् ।
उक्त लिस्टमा इन्स्टाग्राममा सबैभन्दा बढी फलोअर्स भएका १० मध्ये ८ जना सेलिब्रेटी भने महिला रहेका छन् । दुई जना मात्रै पुरुष रहेका छन् । त्यसमध्ये पनि सबैभन्दा बढी बलिउडका स्टारहरू रहेका छन् ।
सबैभन्दा बढी फलोअर्स भएका १० भारतीय सेलिब्रेटिमध्ये १०औँ नम्बरमा छिन् ज्याकलिन फर्नान्डेज । इन्स्टाग्राममा उनका ७०.२ मिलियन अर्थात् ७ करोड २० लाख फलोअर्स छन् ।
त्यस्तै नवौँ नम्बरमा छिन् उर्वशी रौतेला । इन्स्टाग्राममा उर्वशीलाई ७३.२ मिलियनले फलो गरेका छन् । रौतेला अक्सर आफ्नो अभिव्यक्तिले विवादमा आइरहन्छिन् ।
त्यस्तै अठौँ नम्बरमा छिन् गायिका नेहा कक्कड । इन्स्टामा नेहालाई ७८.७ मिलयनले फलो गरेका छन् । उनी निकै चर्चित गायिका हुन् । सबैभन्दा धेरै फलोअर्स भएका भारतीय सेलिब्रेटीमा नेहा मात्र गायिका हुन् ।
यो लिस्टको सातौँ नम्बरमा छिन् बलिउड नायिका दीपिका पादुकोण । उनलाई इन्स्टामा ७९.५ मिलियनले फलो गरेका छन् ।
त्यस्तै छैटौँ नम्बरमा छिन् नायिका क्याटरिना क्याफ । उनलाई ८०.१ मिलियनले इन्स्टामा फलो गरेका छन् । विवाहपछि उनी बलिउडबाट केही अलग भए पनि इन्स्टामा उनका उल्लेख्य फलोअर्स छन् ।
यो लिस्टको पाँचौँ नम्बरमा छिन् नायिका आलिया भट्ट । उनलाई इन्स्टामा ८४.९ मिलियनले फलो गरेका छन् ।
त्यस्तै चौथो नम्बरमा नायिका श्रद्धा कपुर छिन् । उनलाई ९०.४ मिलियनले इन्स्टामा फलो गरेका छन् ।
यो लिस्टको तेस्रो नम्बरमा भने भारतीय प्रधानमन्त्री नरेन्द्रो मोदी रहेका छन् । इन्स्टामा मोदीका ९१.२ मिलियन फलोअर्स छन् ।
त्यस्तै दोस्रो नम्बरमा बलिउड नायिका प्रियंका चोपडाको नाम छ । इन्स्टाग्राममा उनका ९१.५ मिलियन फलोअर्स छन् ।
यो लिस्टको पहिलो नम्बरमा भने भारतका स्टार क्रिकेटर विराट कोहलीको नाम छ । टप १० फलोअर्सको लिस्टमा पर्ने कोहली भारतका एक मात्र क्रिकेटर हुन् । इन्स्टामा उनलाई २०७ मिलियनले फलो गरेका छन् ।
.jpg)
