नेपाल राष्ट्र बैंकको गभर्नरमा डा. पौडेल नियुक्त

समाचार

गृहपृष्ठ
समाचार
नेपाल राष्ट्र बैंकको गभर्नरमा डा. पौडेल नियुक्त

नेपाल राष्ट्र बैंकको गभर्नरमा डा. पौडेल नियुक्त

मंगलबार, जेठ ७, २०८२ शब्दचित्र

काठमाडौं । सरकारले नेपाल राष्ट्र बैंकको गभर्नरमा डा. विश्वनाथ पौडेललाई नियुक्त गरेको छ । मंगलबार बसेको मन्त्रिपरिषद् बैठकले पौडेललाई गभर्नरमा नियुक्त गर्ने निर्णय गरेको हो ।

पौडेल राष्ट्र बैंकको १८औँ गभर्नरमा नियुक्त भएका हुन् । यससँगै लामो समयदेखि गभर्नर नियुक्तिबारेको अन्योल अन्त्य भएको छ ।

अर्थमन्त्री विष्णु पौडेलको नेतृत्वमा मंगलबार बसेको गभर्नर सिफारिस समितिले डा. पौडेलसहित तीन जनाको नाम मन्त्रिपरिषद्लाई सिफारिस गरेको थियो । समितिले गभर्नरका लागि कामु गभर्नर निलम ढुंगाना र पूर्वसचिव दिनेश भट्टराईको नाम सिफारिस गरेको थियो ।

सिफारिस समितिले तीन जनाको नाम सिफारिस गरेकोमा मन्त्रिपरिषद्ले डा. पौडेललाई गभर्नरमा नियुक्त गरेको हो ।

गभर्नर नियुक्तिको विषयमा गठबन्धनमा नै गडबड आउने त होइन भन्ने अड्कलबाजी हुन थालेका थिए । उता गभर्नर नियुक्त गर्न पनि नसकेको भन्दै सरकारको आलोचना हुन थालेको थियो ।

प्रकाशित मिति: मंगलबार, जेठ ७, २०८२ १९:२१

प्रतिक्रिया दिनुहोस्