नयाँ गभर्नरले कार्यभार सम्हालेको दिन शेयर बजारमा देखियो उतारचढाव

अर्थ समाचार

गृहपृष्ठ
अर्थ समाचार
नयाँ गभर्नरले कार्यभार सम्हालेको दिन शेयर बजारमा देखियो उतारचढाव

नयाँ गभर्नरले कार्यभार सम्हालेको दिन शेयर बजारमा देखियो उतारचढाव

बुधबार, जेठ ८, २०८२ शब्दचित्र

काठमाडौं । नेपाल राष्ट्र बैंकका नवनियुक्त गभर्नर डा. विश्वनाथ पौडेलले बुधबार कार्यभार सम्हाले । उनले बालुवाटारस्थित नेपाल राष्ट्र बैंक पुगेर कार्यभार सम्हालेका हुन् ।

लामो समयको रस्साकस्सीका बीच मुलुकले गभर्नर पाएको दिन शेयर बजार भने उतारचढावपूर्ण रह्यो । सुरुवातमा बढेको बजार अन्ततः घटेर बन्द भएको छ ।

बुधबार बजार बन्द हुँदा ७.९४ अंकले घट्न पुग्यो । यससँगै कारोबारमा आएकामध्ये ९३ कम्पनीका लगानीकर्ताले कमाए भने १५३ कम्पनीका लगानीकर्ताले गुमाए ।

नेप्सेका अनुसार आज २ करोड ३० लाख २६ हजारभन्दा बढी कित्ता शेयर किनबेच भयो । जसमा १० अर्ब ६९ करोड ८६ लाख ५१ हजारभन्दा बढीकए कारोबार भएको छ ।

बजार घटेसँगै १३ उपसमूहमध्ये ३ उपसमूहको सूचक बढ्दा बाँकी उपसमूहको सूचक भने राताम्मे बनेको छ । आज बैंकिङ, विकास बैंक र म्युचुअल फण्ड उपसमूहको सूचक बढ्यो । बाँकी सबै उपसमूहको सूचक ओरालो लाग्यो ।