कुलिङ पिरियड प्रकरणमा छानबिन गर्न बन्यो संसदीय समिति

शब्दचित्र विशेष

गृहपृष्ठ
शब्दचित्र विशेष
कुलिङ पिरियड प्रकरणमा छानबिन गर्न बन्यो संसदीय समिति

कुलिङ पिरियड प्रकरणमा छानबिन गर्न बन्यो संसदीय समिति रास्वपाका असन्तुष्टिका बीच कांग्रेसलाई नेतृत्व, २१ दिनको समय

सोमबार, असार २३, २०८२ शब्दचित्र

काठमाडौं । संघीय निजामती सेवा विधेयकको कुलिङ अफ पिरियडमा भएको गडबडीको अनुसन्धानका सात सदस्यीय संसदीय छानबिन समिति गठन भएको छ ।

प्रतिनिधिसभाले उक्त प्रकरणको छानबिनका लागि नेपाली कांग्रेसका सांसद जीवन परियारको संयोजकत्वमा सात सदस्यीय छानबिन समिति बनाएको हो ।

समितिमा कांग्रेसबाट परियारसहित सुशीला थिङ सदस्य छिन् । त्यस्तै एमालेबाट नारायण आचार्य र ईश्वरी घर्ती सदस्य रहेका छन् ।

उता माओवादी केन्द्रबाट माधव सापकोटा समितिका सदस्य छन् । राष्ट्रिय स्वतन्त्र पार्टीबाट गणेश पराजुली तथा राप्रपाबाट रोशन कार्की समितिमा रहेका छन् ।

समितिलाई छानबिनका लागि २१ दिनको समय दिइएको छ ।

रास्वपाले भने नेपाली कांग्रेसलाई छानबिन समितिको नेतृत्व दिन नहुने बताएको थियो । राज्य व्यवस्था तथा सुशासन समितिमा उक्त विधेयकबारे छलफल भएकोमा प्रतिनिधिसभामा पेस हुने बेलामा छलछाम गरिएको थियो ।

उक्त समितिका सभापति नेपाली कांग्रेका सांसद रामहरि खतिवडा रहेका छन् । त्यसैले खतिवडामाथि पनि प्रश्न उठेको भन्दै रास्वपाले जुन पार्टीको नेतामाथि प्रश्न उठेको हो उही दलको नेतृत्वमा छानबिन हुन नसक्ने तर्क गरेको छ ।

प्रकाशित मिति: सोमबार, असार २३, २०८२ १८:१८

प्रतिक्रिया दिनुहोस्