साउनदेखि लागू हुँदै धितोपत्र निष्कासनको निर्देशिका, के फरक छ ?

अर्थ समाचार

गृहपृष्ठ
अर्थ समाचार
साउनदेखि लागू हुँदै धितोपत्र निष्कासनको निर्देशिका, के फरक छ ?

साउनदेखि लागू हुँदै धितोपत्र निष्कासनको निर्देशिका, के फरक छ ?

मंगलबार, असार २४, २०८२ शब्दचित्र

काठमाडौं । नेपाल धितोपत्र बोर्डले यही साउन १ गतेदेखि धितोपत्र निष्काशन तथा बाँडफाँड (नवौं संशोधन) निर्देशिका, २०८२ लागू गर्ने भएको छ ।

बोर्डले एक सूचना जरी गरी २०८२ साउन १ गतेदेखि धितोपत्र निष्काशन तथा बाँडफाँड (नवौँ संशोधन) निर्देशिका, २०८२ लागू गर्ने निर्णय गरिएको जानकारी दिएको छ ।

जसअनुसार विदेशमा बसी रोजगार गरेका नेपालीहरूलाई छुट्याईएको शेयरका लागि दरखास्त दिन खुला रहने विद्यमान १५ दिनको अवधिलाई परिमार्जन गरी कम्तिमा चार कार्यदिन कायम गरिएको बोर्डले जानकारी दिएको छ । सो अवधिभित्र निष्काशन गरिएको सबै धितोपत्र बिक्री नभएमा उक्त समयावधि खुल्ला भएको मितिले १५ दिन सम्म कायम रहने व्यवस्था गरिएको बोर्डले जनाएको छ ।

त्यस्तै बैंक तथा वित्तीय संस्थाहरूलाई अविमोच्य असंचिति अग्राधिकार शेयर (Perpetual Non-Cumulative Preference Share) निष्काशन गर्ने व्यवस्था गरिएको पनि जानकारी दिएको छ ।

प्रकाशित मिति: मंगलबार, असार २४, २०८२ ०९:४५