चालु खाता ३०७ अर्बले बचतमा, शोधनान्तर स्थिति पनि झण्डै ५ खर्बले बचतमा

अर्थ समाचार

गृहपृष्ठ
अर्थ समाचार
चालु खाता ३०७ अर्बले बचतमा, शोधनान्तर स्थिति पनि झण्डै ५ खर्बले बचतमा

चालु खाता ३०७ अर्बले बचतमा, शोधनान्तर स्थिति पनि झण्डै ५ खर्बले बचतमा

मंगलबार, असार २४, २०८२ शब्दचित्र

काठमाडौं । नेपाल राष्ट्र बैंकका अनुसार चालु आर्थिक वर्ष २०८१/८२ को ११ महिनामा चालु खाता ३ खर्ब ७ अर्ब २१ करोडले बचतमा रहेको राष्ट्र बैंकले जनाएको छ ।

राष्ट्र बैंकले हालै सार्वजनिक गरेको रिपोर्टअनुसार घिल्लो वर्षको सोही अवधिमा चालु खाता २ खर्ब अर्ब २८ करोडले बचतमा रहेको थियो । अमेरिकी डलरमा अघिल्लो वर्षको सोही अवधिमा १ अर्ब ५१ करोडले बचतमा रहेको चालु खाता समीक्षा अवधिमा २ अर्ब २६ करोडले बचतमा रहेको छ ।

राष्ट्र बैंकका अनुसार समीक्षा अवधिमा खुद पुँजीगत ट्रान्सफर ८ अर्ब ९६ करोड रहेको छ । अघिल्लो वर्षको सोही अवधिमा यस्तो ट्रान्सफर ५ अर्ब ४६ करोड रहेको थियो ।

यस्तै, समीक्षा अवधिमा ११ अर्ब ९ करोड प्रत्यक्ष वैदेशिक लगानी (इक्विटी मात्र) भित्रिएको राष्ट्र बैंकले जनाएको छ । अघिल्लो वर्षको सोही अवधिमा यस्तो प्रत्यक्ष वैदेशिक लगानी (इक्विटी मात्र) ८ अर्ब २४ करोड रहेको थियो ।

समीक्षा अवधिमा शोधनान्तर स्थिति ४ खर्ब ९१ अर्ब ४४ करोडले बचतमा रहेको राष्ट्र बैंकले जनाएको छ । अघिल्लो वर्षको सोही अवधिमा शोधनान्तर स्थिति ४ खर्ब २५ अर्ब ६७ करोडले बचतमा रहेको थियो ।

अमेरिकी डलरमा अघिल्लो वर्षको सोही अवधिमा ३ अर्ब २० करोडले बचतमा रहेको शोधनान्तर स्थिति समीक्षा अवधिमा ३ अर्ब ६२ करोडले बचतमा रहेको थियो ।

प्रकाशित मिति: मंगलबार, असार २४, २०८२ १५:०३