उत्कृष्ट वित्तीय प्रतिवेदनको गोल्ड अवार्ड नबिल बैंकलाई

कर्पोरेट

गृहपृष्ठ
कर्पोरेट
उत्कृष्ट वित्तीय प्रतिवेदनको गोल्ड अवार्ड नबिल बैंकलाई

उत्कृष्ट वित्तीय प्रतिवेदनको गोल्ड अवार्ड नबिल बैंकलाई

शनिबार, साउन ३, २०८२ शब्दचित्र

काठमाडौं । नेपाल चार्टर्ड एकाउन्टेन्ट्स संस्था (आइक्यान) ले वार्षिक रूपमा प्रदान गर्दै आएको उत्कृष्ट वार्षिक प्रतिवेदन अवर्ड २०२४ नबिल बैंक लिमिटेडले पाएको छ ।

आर्थिक वर्ष २०२३/२४ मा प्रकाशित वार्षिक प्रतिवेदनका आधारमा संस्थाको वित्तीय पारदर्शिता, जवाफदेहिता र सुशासनका लागि बैंकिङ क्षेत्रमा अब्बल ठहर गर्दै आइक्यानले उक्त अवार्ड नबिल बैंकलाई प्रदान गरेको हो ।

नबिल बैंकले आर्थिक वर्ष २०२२/२३ मा पनि गोल्ड अवार्ड हात पारेको थियो । शुक्रबार काठमाडौंमा आयोजित एक कार्यक्रममा महालेखापरिक्षक तोयम रायाले नबिल बैंकका वित्त प्रमुख सन्दिपबाबु पौडेललाई अवार्ड हस्तान्तरण गरे ।

बैंकको उक्त पुरस्कृत वार्षिक प्रतिवेदन नेपालको तर्फबाट दक्षिण एसिया फेडेरेसन अफ एकाउन्टेन्टस् (साफा)ले दक्षिण एसियाली स्तरमा आयोजना गर्ने साफा बिपिए अवार्डका लागि समेत मनोनित हुनेछ ।

नबिल बैंक नेपालको एक अग्रणी बैंक हो । नबिलले २५ लाखभन्दा बढी सेवाग्राहीहरूलाई देशभरिको २६८ शाखा र ३२१ एटिएममार्फत सेवा प्रदान गर्दै आएको छ ।

प्रकाशित मिति: शनिबार, साउन ३, २०८२ ०७:१५