सैयाराले यसरी मच्चाईरहेछ बक्स अफिसमा धमाका

चित्रपट

गृहपृष्ठ
चित्रपट
सैयाराले यसरी मच्चाईरहेछ बक्स अफिसमा धमाका

सैयाराले यसरी मच्चाईरहेछ बक्स अफिसमा धमाका

मंगलबार, साउन १३, २०८२ शब्दचित्र

काठमाडौं । यस वर्ष बलिउडमा थुप्रै स्टारकिड्सले ठूलो पर्दामा डेब्यु गरे । तर, उनीहरूका ती चलचित्रले उल्लेख्य कमाइ गर्न सकेनन् । यसका साथै आलोचना पनि भयो ।

तर, मोहित सुरीको निर्देशनमा रहेको सैयारा भने यसभन्दा अलग बन्यो । सैयाराको ट्रेलर रिलिज भएदेखि नै यसको चर्चा चुलिएको थियो ।

सैयाराको गीत तथा ट्रेलरले मानिसहरूको बीचमा छुट्टै क्रेज जमाएको छ । यसको एडभनन्स बुकिङले सलमान खान स्टारर सिकन्दरलाई पनि पछि पारेको जागरण डटकमले उल्लेख गरेको छ । पछिल्ला दिनमा यसको क्रेज अझ बढेको छ ।

सैयारा १८ जुलाईमा रिलिज भएको हो । सँगै रिलिज भएका अनुपम खेर तथा सोनाक्षी सिन्हा स्टारर चलचित्रलाई सैयाराले निकै पछि छाडेको छ ।

सैयाराले पहिलो दिन बक्स अफिसमा २२ करोड भारुको ‌ओपनिङ गरेको थियो । अनि पहिलो हप्तामा उल्लेख्य कलेक्सन गर्न सफल रह्यो ।

अहान पाण्डे तथा अनित पड्डा स्टारर फिल्मले पछिल्लो १० दिनमा उल्लेख्य कमाइ गरेको छ । साथै यसको विश्वव्यापी कमाइ पनि उल्लेख्य छ ।

प्रकाशित मिति: मंगलबार, साउन १३, २०८२ १६:१४