माबिलुङ इनर्जीको आईपीओ भोलिदेखि खुल्दै, कति कित्तामा दिन पाइन्छ आवेदन ?

कर्पोरेट

गृहपृष्ठ
कर्पोरेट
माबिलुङ इनर्जीको आईपीओ भोलिदेखि खुल्दै, कति कित्तामा दिन पाइन्छ आवेदन ?

माबिलुङ इनर्जीको आईपीओ भोलिदेखि खुल्दै, कति कित्तामा दिन पाइन्छ आवेदन ?

आइतबार, साउन २५, २०८२ शब्दचित्र

काठमाडौं । माबिलुङ इनर्जी लिमिटेडले भोलि अर्थात यही साउन २६ गतेदेखि सर्वसाधारणका लागि आईपीओ निष्कासन गर्ने भएको छ । यसअघि कम्पनीले आयोजना प्रभावित एवं वैदेशिक रोजगारीमा रहेका नेपालीहरूका लागि आईपीओ निष्कासन गरिसकेको छ ।

अब दोस्रो चरणमा कम्पनीले सर्वसाधारणका लागि आईपीओ जारी गर्न लागेको हो । कम्पनीले जारी पुँजीको ४८.९९९८ प्रतिशत अर्थात् १५ लाख ४ हजार ७०६ कित्ता शेयर जारी गर्न लागेको हो ।

यसअघि नेपाल धितोपत्र बोर्डले कम्पनीलाई १०० रुपैयाँ अंकित दरका १८ लाख ९० हजार ५३० कित्ता शेयर निष्कासनका लागि अनुमति दिएको थियो ।

कम्पनीले त्यसमध्ये जारीपुँजीको १० प्रतिशत अर्थात ३ लाख ८५ हजार ८२४ कित्ता आयोजना प्रभावित क्षेत्र र सर्वसाधारणका लागि छुट्टाइएको १५ लाख ४ हजार ७०६ कित्ता शेयरमध्येको १० प्रतिशत अर्थात १ लाख ५० हजार ४७१ कित्ता शेयर वैदेशिक रोजगारीमा रहेका नेपालीहरूका लागि जारी गरिएको थियो ।

पहिलो चरणमा शेयरको बाँडफाँट गरिसकेपछि अब कम्पनीले दोस्रो चरणमा आम सर्वसाधारणका लागि आईपीओ जारी गर्न लागेको हो ।

कम्पनीका अनुसार सर्वसाधारणले न्युनतम १० कित्तादेखि अधिकतम ५० हजार कित्तासम्मका लागि आवेदन दिन सक्नेछन् । आईपीओमा छिटोमा साउन २६ गतेसम्म आवेदन दिन सकिनेछ । उक्त अवधिमा पर्याप्त आवेदन नपरे ९ भदौसम्म आवेदन दिन पाइनेछ ।

कम्पनीको आईपीओ निष्कासन तथा बिक्री प्रबन्धकमा सनराइज क्यापिटल लिमिटेड रहेको छ ।

प्रकाशित मिति: आइतबार, साउन २५, २०८२ १५:५७

प्रतिक्रिया दिनुहोस्