कस्ता सपना देखे हुन सक्छ धन लाभ ?

अध्यात्म/दर्शन

गृहपृष्ठ
अध्यात्म/दर्शन
कस्ता सपना देखे हुन सक्छ धन लाभ ?

कस्ता सपना देखे हुन सक्छ धन लाभ ?

शुक्रबार, साउन ३०, २०८२ शब्दचित्र

काठमाडौं । भनिन्छ सपनाले पनि मानिसका जीवनका विभिन्न संकेतहरू दिने गर्दछन् । निदाएको बेलामा देखिने सपनाले आगामी दिनमा आउने सजिला र अफ्ठ्यारा कुराहरूबारे संकेत गर्दछन् भन्ने मान्यता रहीआएको छ ।

तर, सपना कुन समयमा देखिन्छ, कस्तो अवस्थामा देखिन्छ भन्ने कुराले पनि यसको जवाफ दिन्छ । तर, मानिसहरूले देखेका धेरै सपनाहरू उसलाई सम्झना रहन्छ भन्ने हुँदैन । खासगरी विहानीपख देखेको सपना र महत्त्वपूर्ण सपनाहरू भने याद रहन्छन् ।

आज हामी तपाईंलाई यस्तै सपनाहरूबारे चर्चा गर्दैछौँ । आज हामी विशेषगरी कस्ता सपनाहरू देखेमा धन प्राप्त हुन्छन् भन्ने मान्यता रहीआएको छ त्यसबारे चर्चा गर्नेछौँ ।

देव प्रतिमा वा शिवलिङ्ग देखेमा धन तथा प्रतिस्पर्धामा विजय प्राप्त हुनेछ ।
पुन्यात्मा व्यक्तिलाई ब्राहणले फूल दिएको देखेमा प्रतिस्पर्धामा विजय, धन तथा तीर्थ स्नान हुनेछ ।
जुका, सर्प, बिच्छि देखेमा धन, पुत्र, विजय, प्रतिष्ठा पाइनेछ ।
सपनामा वेलको वृक्ष फले फुलेको, आपको वृक्ष देखेमा अकस्मात धन प्राप्ति हुनेछ ।
बलेको आगो देखेमा धन, बल, बुद्धि, ऐष्वर्य प्राप्त हुनेछ ।
फलफूल फलेको वृक्ष देखेमा धन प्राप्त हुनेछ ।
सर्पले टोके अकस्मान धन प्राप्त हुनेछ ।
माछा, मासु, मोती शंख, श्रीखण्ड, हीरा सपनामा देीखए धन तथा सम्पत्ति प्राप्त हुनेछ ।
रक्सी, रगत, सुवर्ण र बिष्टा देखेमा धन प्राप्त हुनेछ ।
अमलाको दाना, लप्सी, रातो कमल–पुष्प देखेमा धन प्राप्त हुनेछ ।
सपनामा सेतो वस्त्र तथा सेतो माला पहिरेकी महिलाले अंकमाल गरेको देखेमा लक्ष्मी प्राप्त भई सुख शान्ति मिल्दछ ।
पहेँलो माला, पहेँलो वस्त्र, गहना, चन्दन लगाएकी महिलाले अंकमाल गरेको देखेमा सबैतर्फ कल्याण हुनेछ ।
सपनामा प्रशन्न भएका ब्राहणले अंकमाल गरे विपनामा तीर्थ स्नान र धन प्राप्ति हुनेछ ।
उत्तम गहना, राम्रा वस्त्र पहिरेकी नारी हातमा पाथी लिएर आफ्नो घरमा प्रवेश गरेको देखेमा बिपनामा धन सम्पत्ति पाइनेछ ।
सपनामा राम्री नारी आएर घरमा दिसा पिसाव गरेको देखेमा अकस्मात धन वृद्धि हुनेछ ।
सपनामा गोरोचन, बेसार, उखु, घिउ पाएको देखेमा सुख तथा धन प्राप्ति हुनेछ ।
दाह्रा भएको सुँगुर, सीङ भएको जनवार, बादर आदिले कष्ट दिएको देखेमा धन तथा पद पाइनेछ ।