सागर डिस्टिलरीको आईपीओमा आवेदन दिने समय थपियो, अब कहिलेसम्म दिन पाइन्छ ?

कर्पोरेट

गृहपृष्ठ
कर्पोरेट
सागर डिस्टिलरीको आईपीओमा आवेदन दिने समय थपियो, अब कहिलेसम्म दिन पाइन्छ ?

सागर डिस्टिलरीको आईपीओमा आवेदन दिने समय थपियो, अब कहिलेसम्म दिन पाइन्छ ?

बिहीबार, असोज २, २०८२ शब्दचित्र

काठमाडौं । सागर डिस्टिलरीले लिमिटेडले सर्वसाधारणहरूका लागि जारी गरेको प्राथमिक सार्वजनिक निष्कासन अर्थात् आईपीओमा आवेदन दिने समय थप गरेको छ ।

कम्पनीले यसअघि असोज २ गतेसम्म अर्थात् आजसम्म आवेदन दिन पाउने गरी समय तोकेको थियो । तर, अब असोज असोज ५ गतेसम्म आवेदन दिन पाइने भएको छ ।

यसअघि कम्पनीले वैदेशिक रोजगारीमा रहेका नेपालीहरूका लागि आईपीओ जारी गरी बाँडफाट गरिसकेको छ । त्यसपछि कम्पनीले सर्वसाधारणहरूका लागि आईपीओ जारी गरेको हो ।

कम्पनीको आईपीओ निष्काशन तथा बिक्री प्रबन्धक मुक्तिनाथ क्यापिटल लिमिटेड रहेको छ । कम्पनीले जारी पूँजी ७२ करोड ६० लाख रुपियाँको २० प्रतिशतले हुन आउने १४ करोड ५२ लाख रुपियाँबराबरको १४ लाख ५२ हजार कित्ता आईपीओ निष्काशन गर्ने अनुमति पाएको थियो ।

सोमध्ये १० प्रतिशतले हुन आउने १ लाख ४५ हजार २०० कित्ता शेयर विदेशमा रोजगारी गरिरहेका नेपालीहरूका लागि निष्काशन गरी बाँडफाँट गरिसकेको छ ।

त्यस्तै, ५ प्रतिशत अर्थात् ७२ हजार ६०० कित्ता शेयर सामूहिक लगानी कोषहरूमा बाँडफाँट गरिसकेको छ भने ४३ हजार ५ सय ६० कित्ता शेयर कम्पनीमा कार्यरत कर्मचारीहरूका लागि सुरक्षित गरेको छ ।

त्यसपछि कम्पनीले सर्वसाधारणका लागि ११ लाख ९० हजार ६ सय ४० कित्ता शेयर निष्काशन गरेको हो ।

प्रकाशित मिति: बिहीबार, असोज २, २०८२ ०८:५७