मंसिर १५ देखि सर्वोच्चमा गोला प्रक्रियाबाट तोकिने भयो पेसी

समाचार

गृहपृष्ठ
समाचार
मंसिर १५ देखि सर्वोच्चमा गोला प्रक्रियाबाट तोकिने भयो पेसी

मंसिर १५ देखि सर्वोच्चमा गोला प्रक्रियाबाट तोकिने भयो पेसी

बिहीबार, मंसिर ९, २०७८ शब्दचित्र

यही मंसिर १५ गतेदेखि सर्वोच्च अदालतमा गोला प्रक्रियाबाट पेसी तोकी मुद्दाको सुनुवाइ हुने भएको छ ।

बिहीबार बसेको सर्वोच्च अदालतका न्यायाधीशको पूर्ण बैठक (फूलकोर्ट) बैठकले उक्त प्रक्रियाबाट पेसी तोकी मुद्दाको सनुवाइ गर्ने निर्णय गरेको हो । गोला प्रक्रियाबाट मुद्दाको पेसी तोकी सुनुवाइ गर्नुपर्ने माग सर्वोच्चका न्यायाधीश र नेपाल बार एसोसिएसनले गर्दै आएको थियो ।

यो निर्णयसँगै बार एसोसिएसन तथा न्यायाधीशहरूको उक्त माग पूरा हुने भएको हो । गोला प्रक्रियाबाट पेसी तोक्ने निर्णय भएसँगै पेसी तोक्ने प्रधान्यायाधीशको अधिकार भने खोसिएको छ । सर्वोच्च अदालतमा प्रधान्यायाधीशले पेसी तोक्ने व्यवस्था थियो ।

सर्वोच्चमा गत कात्तिक ८ गतेदेखि मुद्दाको सुनुवाइ हुन सकेको छैन । बीचबीचमा बन्दी प्रत्यक्षीकरणको मुद्दामा मात्र सुनुवाइ भएको थियो ।

पछिल्लो समयमा केही अन्य मुद्दामा पनि सुनुवाइ भएको छ । अदालतमा मुद्दाको चापअनुसार नियमति रुपमा बेञ्च बस्न नसक्दा न्यायका पर्खाइमा बसेका सेवाग्राही मर्कामा परेका छन् ।

प्रकाशित मिति: बिहीबार, मंसिर ९, २०७८ २२:१९

प्रतिक्रिया दिनुहोस्