कूटनीतिक निकायका प्रमुख तथा प्रतिनिधिहरूलाई आयोगले गरायो निर्वाचनबारे जानकारी

समाचार

गृहपृष्ठ
समाचार
कूटनीतिक निकायका प्रमुख तथा प्रतिनिधिहरूलाई आयोगले गरायो निर्वाचनबारे जानकारी

कूटनीतिक निकायका प्रमुख तथा प्रतिनिधिहरूलाई आयोगले गरायो निर्वाचनबारे जानकारी

मंगलबार, कात्तिक २९, २०७९ शब्दचित्र

निर्वाचन आयोगबाट काठमाडौंस्थित कूटनीतिक निकायका प्रमुख तथा प्रतिनिधिहरूलाई मंसिर ४ गते हुने प्रतिनिधिसभा तथा प्रदेशसभा निर्वाचनको बारेमा जानकारी गराएको छ ।

आयोगको कान्तिपथस्थित कार्यालयमा आयोजित कार्यक्रममा कूटनीतिक नियोगका प्रमुख तथा प्रतिनिधिहरूलाई जानकारी गराइएको हो । जानकारी गराइएको छ ।

उक्त कार्यक्रममा प्रमुख निर्वाचन आयुक्त दिनेश कुमार थपलियाले निर्वाचनलाई स्वच्छ, स्वतन्त्र, निष्पक्ष, पारदर्शी, भयरहीत बनाउन भएका तयारीबारे जानकारी गराएका थिए । उक्त प्रयासमा अन्तर्राष्ट्रिय समुदायले पुर्‍याएको सहयोग र देखाएको सदायशताको थपलियाले प्रशंसा गरे । विगतका निर्वाचनहरूका अनुभवले आगामी निर्वाचनमा थप सुधार गर्नको निमित्त सहयोग पुग्ने उनको भनाइ थियो ।

आयोगका आयुक्तहरू, सचिवसहित उच्च अधिकारी सहभागी कार्यक्रममा काठमाडौंस्थित २० भन्दा बढी कूटनीतिक निकायका प्रमुख तथा प्रतिनिधिहरूका साथै प्रधानमन्त्री तथा मन्त्रिपरिषद्को कार्यालय, गृह मन्त्रालय र परराष्ट्र मन्त्रालयका प्रतिनिधिहरूको समेत सहभागिता रहेको थियो ।

कार्यक्रममा आयोगका उपसचिव एवं योजना, अनुगमन तथा वैदेशिक सम्बन्ध शाखाका प्रमुख कमल भट्टराइले निर्वाचनसम्बन्धी विविध जानकारीको प्रस्तुतीकरण गरेका थिए ।

प्रकाशित मिति: मंगलबार, कात्तिक २९, २०७९ ११:०७

प्रतिक्रिया दिनुहोस्