ढोका खोल्न ढिला गरेको भन्दै पत्नीको हत्या

ग्लोबल

गृहपृष्ठ
ग्लोबल
ढोका खोल्न ढिला गरेको भन्दै पत्नीको हत्या

ढोका खोल्न ढिला गरेको भन्दै पत्नीको हत्या

मंगलबार, कात्तिक २१, २०८० शब्दचित्र

काठमाडौं । घरको ढोका खोल्न ढिला गरेको भन्दै एक पतीले आफ्नी पत्नीको हत्या गरेको समाचार सार्वजनिक भएको छ ।

यो समाचार भारतको लखनउको हो । भारतीय मिडिया जनसत्ताले यो समाचार प्रकाशित गरेको छ । लखनउमा ढोका खोल्न ढिला गरेको भन्दै ४५ वर्षीय पुरुषले आफ्नी पत्नीको हत्या गरेको समाचारमा उल्लेख छ ।

ती पुरुषको नाम आदित्य कपुर रहेको उल्लेख गरिएको छ । मृतक पत्नीको नाम भने शिवानी कपुर रहेको उल्लेख छ । उनले आफ्ना बच्चाहरूकै सामुन्ने श्रीमतीलाई चक्कु प्रहार गरेका थिए ।

चक्कु प्रहारबाट श्रीमती लडेपछि उनी भागेका थिए । शिवानीलाई त्यसपछि अस्पताल लगिएको थियो । तर, उपचारका क्रममा उनको मृत्यु भएको थियो ।

घटनापछि मृतक शिवानीका पिताले आदित्यविरुद्ध उजुरी दर्ता गराएका छन् । समाचारमा जनाइएअनुसार आदित्य र शिवानी केही महिनादेखि अलग थिए । आदित्य आफ्ना बच्चाहरूसँग भेट्नका लागि समय समयमा गइरहन्थे ।

आक्रमण गरी भागेका आदित्यलाई प्रहरीले गिरफ्तार गरेको छ । भाग्ने क्रममा उनी घाइते भएका थिए । अहिले उनी अस्पतालमा छन् ।

प्रकाशित मिति: मंगलबार, कात्तिक २१, २०८० ०८:११