काठमाडौंबाट गोरखा जाँदै गरेको ट्याक्सी त्रिशूलीमा खस्यो, पाँच जनाको मृत्यु

समाचार

गृहपृष्ठ
समाचार
काठमाडौंबाट गोरखा जाँदै गरेको ट्याक्सी त्रिशूलीमा खस्यो, पाँच जनाको मृत्यु

काठमाडौंबाट गोरखा जाँदै गरेको ट्याक्सी त्रिशूलीमा खस्यो, पाँच जनाको मृत्यु

शनिबार, चैत १७, २०८० शब्दचित्र

काठमाडौं । काठमाडौंबाट गोरखातर्फ जाँदै गरेको ट्याक्सी शनिबार बिहान त्रिशूली नदीमा खसेको छ । उक्त दुर्घटनामा परी पाँच जनाको मृत्यु भएको छ भने एक जना बेपत्ता भएका छन् ।

प्रहरीका अनुसार बिहान सवा ७ बजेतिर उक्त दुर्घटना भएको हो । चितवनको इच्छाकामना गाउँपालिका–५ स्थित पृथ्वी राजमार्गको सिमलधारा नजिक बा २ ज ४१९६ नम्बरको ट्याक्सी सडकबाट त्रिशूली नदीमा खसेको प्रहरीले जानकारी दिएको छ ।

प्रहरीका अनुसार उक्त दुर्घटनामा परी ट्याक्सी चालक गोर्खा नगरपालिका–७ का ३५ वर्षीय अर्जुन सिर्मल, सोही ठाउँका ४१ वर्षीया हरिमाया रोकाय, ७० वर्षीया जुनकिरी रोकाय, २८ वर्षीया अञ्जना रोकाय, नौ वर्षीय बालक आगमन नगरकोटीको मृत्यु भएको छ ।

सोही दुर्घटनामा परी १८ वर्षीय दिवस रोकाय बेपत्ता रहेको प्रहरीले जानकारी दिएको छ ।

उनीहरू पारिवारिक कार्यक्रम सकेर काठमाडौंबाट गोरखा फर्किंदै गरेको प्रहरीले जानकारी दिएको छ ।

प्रकाशित मिति: शनिबार, चैत १७, २०८० १०:१०