सामान्य प्रशासनमन्त्री गुप्ताको निर्णय विवादमा

स्थानीय सरकार

गृहपृष्ठ
स्थानीय सरकार
सामान्य प्रशासनमन्त्री गुप्ताको निर्णय विवादमा

सामान्य प्रशासनमन्त्री गुप्ताको निर्णय विवादमा

सोमबार, साउन ७, २०८१ शब्दचित्र

काठमाडौं । नवनियुक्त संघीय मामिला तथा सामान्य प्रशासनमन्त्री राजकुमार गुप्ताको एउटा निर्णय विवादमा तानिएको छ ।

मन्त्री गुप्ताले जितपुर सिमरा उपमहानगरपालिकाका प्रमुख प्रशासकीय अधिकृत सरुवा गर्ने निर्णय विवादमा तानिएको हो । उपमहानगरपालिकाका मेयर राजन पौडेलले नयाँ प्रशासकीय अधिकृतलाई हाजिर गराउन नसक्ने बताएका छन् । उनले मन्त्रालयलाई निर्णय सच्याउन आग्रह गरेका छन् ।

मन्त्रालयले उपमहानगरपालिकाकी प्रमुख प्रशासकीय अधिकृत उर्मिला काफ्लेको सरुवा गर्दै उनको ठाउँमा चेतकुमार पोखरेललाई सरुवा गरेको थियो । तर काफ्लेले पदवहाली गरेको २ महिनामै उनको सरुवा गरिएको भन्दै पौडेलले आपत्ति जनाएका छन् ।

पोखरेल यसअघि पनि जितपुर सिमराको प्रमुख प्रशासकीय अधिकृत भएर काम गरेका थिए । उनले यसअघि झण्डै साढे २ वर्ष प्रमुख प्रशासकीय अधिकृतका रूपमा काम गरेका पौडेलले बताए ।

मेयर पौडेलले पोखरेललाई उपमहानगरपालिकाको प्रमुख प्रशासकीय अधिकृतका रूपमा हाजिर गराउन नसकिने पत्र मन्त्रालयलाई पठाएका छन् । उनिमाथि अनियमितताको आरोप लागेको पौडेलको भनाइ छ ।

२ महिनामै प्रमुख प्रशासकीय अधिकृतको सरुवा गर्दा उपमहानगरपालिकामा प्रशासनिक अस्थिरता रहने भन्दै पौडेलले तत्कालका लागि काफ्लेको सरुवा रोक्न आग्रहसहित मन्त्रालयलाई आग्रह गरेका छन् ।

पौडेलले हठात प्रमुख प्रशासकीय अधिकृत सरुवा गरेर आफूमाथि राजनीतिक प्रतिशोध साँधीएको पनि उल्लेख गरेका छन् ।

प्रकाशित मिति: सोमबार, साउन ७, २०८१ १५:०५

प्रतिक्रिया दिनुहोस्