यो हो एशियाका अर्बपतिहरूको राजधानी, पछि पर्‍यो बेइजिङ

शब्दचित्र विशेष

गृहपृष्ठ
शब्दचित्र विशेष
यो हो एशियाका अर्बपतिहरूको राजधानी, पछि पर्‍यो बेइजिङ

यो हो एशियाका अर्बपतिहरूको राजधानी, पछि पर्‍यो बेइजिङ

शनिबार, भदौ १५, २०८१ शब्दचित्र

काठमाडौं । के तपाईंलाई थाहा छ ? एशियामा सबैभन्दा धेरै अर्बपतिहरू कुन शहरमा बस्छन् ? पछिल्लो समय यसको लिस्ट जारी भएको छ ।

हुरुन ग्लोबल रिच लिस्ट २०२४ जारी भएको जसमा कुन शहरमा धनाड्यहरू धेरै छन् भन्ने देखाउँछ । यो लिस्टअनुसार भारतको मुम्बईमा एशियामा सबैभन्दा धेरै अर्बपतिहरूको बसोबास छ ।

त्यसो त भारतो राजधानी दिल्ली हो । तर, मुम्बईलाई आर्थिक राजधानीका रूपमा हेरिन्छ । यसअघि यसमा चीनको राजधानी बेइजिङ अगाडि थियो । तर, यसपटक मुम्बईले बेइजिङलाई पछाडि पारेको हो ।

हुरुन ग्लोबल रिच लिस्ट २०२४ अनुसार एशियाका २५ प्रतिशत अर्बपतिहरूको घर मुम्बईमा छ । यसआधारमा कतिपयले मुम्बईलाई एसियाको नयाँ राजधानीका रूपमा पनि चित्रण गरेका छन् ।

त्यसमा जनाइएअनुसार मुम्बईमा ९२ जना अर्बपतिहरू बस्ने गर्दछन् । जबकी बेइजिङमा ९१ जना अर्बपति छन् । यस आधारमा बेइजिङ मुम्बईभन्दा पछि परेको हो । यस वर्ष मात्र मुम्बईमा ५८ जना नयाँ अर्बपति थपिएका छन् ।

भारतमा कुल २७१ जना अर्बपतिहरू रहेका छन् जबकी चीनमा ८१४ जना अर्बपतिहरूको बसोबास छ ।

उक्त लिस्टमा ११९ जना अर्बपतिहरू रहेको न्युयोर्क विश्वकै पहिलो स्थानमा छ । त्यस्तै ९७ जना अर्बपतिहरू रहेको लन्डन दोस्रो स्थानमा छ ।

प्रकाशित मिति: शनिबार, भदौ १५, २०८१ ०९:१२

प्रतिक्रिया दिनुहोस्