ट्रेड टावरको आईपीओ भोलिदेखि, कसकसले दिन पाउँछन् आवेदन ?

शेयर बजार

गृहपृष्ठ
शेयर बजार
ट्रेड टावरको आईपीओ भोलिदेखि, कसकसले दिन पाउँछन् आवेदन ?

ट्रेड टावरको आईपीओ भोलिदेखि, कसकसले दिन पाउँछन् आवेदन ?

मंगलबार, जेठ १४, २०८२ शब्दचित्र

काठमाडौं । ट्रेड टावर लिमिटेडको आईपीओ यही १४ जेठदेखि खुल्ने भएको छ । कम्पनीले सर्वसाधारणका लागि आईपीओ जारी गर्न लागेको हो ।

कम्पनीले यसअघि बैदेशिक रोजगारीमा रहेका नेपालीहरूका लागि आईपीओ बिक्री गरेर बाँडफाँट पनि गरिसकेको छ । त्यसपछि भने सर्वसाधारणका लागि आईपीओ जारी गर्न लागिएको हो ।

कम्पनीको जारी पुँजी ८१ करोड ५६ लाख ९ हजार ७ सय रुपैयाँ रहेको छ । त्यसको ४८.६९६ प्रतिशत बराबर अर्थात् ३९ करोड ७१ लाख ६९ हजार ३०० रुपैयाँ बराबरको ३९ लाख ७१ हजार ६९३ कित्ता आईपीओ सर्वसाधारणका लागि जारी गर्न लागेको हो ।

कम्पनीले सर्वसाधारणका लागि बिक्रीको अनुमति पाएकोमध्ये वैदेशिक रोजगारीमा रहेका नेपालीहरूलाई बिक्री गरिसकेको छ ।

कम्पनीले वैदेशिक रोजगारीमा रहेकाहरूलाई ३ लाख ९७ हजार १६९ कित्ता, सामूहिक लगानी कोषलाई १ लाख ९८ हजार ५८४ कित्ता र कर्मचारीहरूलाई ७९ हजार ४३३ कित्ता शेयर बाँडफाँट गरिसकेको छ ।

कम्पनीले अब बाँकी रहेको ३२ लाख ९६ हजार ५०५.१९ कित्ता शेयर सर्वसाधारणको लागि निष्कासन गर्न लागेको हो । कम्पनीका अनुसार सर्वसाधारणले न्युनतम १० कित्तादेखि अधिकतम १ हजार कित्तासम्म आवेदन दिन पाउनेछन् ।

छिटोमा १९ जेठसम्म र सो अवधिमा पूरै आवेदन नपरे २८ जेठसम्म आवेदन दिन सकिने कम्पनीले जनाएको छ । आईपीओ निष्कासन तथा बिक्री प्रबन्धक भन् लक्ष्मी सनराइज क्यापिटल्स रहेको छ ।

प्रकाशित मिति: मंगलबार, जेठ १४, २०८२ १८:१४

प्रतिक्रिया दिनुहोस्