बालिकालाई जबर्जस्ती करणीको अभियोगमा उदयपुर र पर्वतबाट दुई जना पक्राउ

समाचार

गृहपृष्ठ
समाचार
बालिकालाई जबर्जस्ती करणीको अभियोगमा उदयपुर र पर्वतबाट दुई जना पक्राउ

बालिकालाई जबर्जस्ती करणीको अभियोगमा उदयपुर र पर्वतबाट दुई जना पक्राउ

मंगलबार, साउन ६, २०८२ शब्दचित्र

काठमाडौं । प्रहरीले बालिकालाई जबर्जस्ती करणी गरेको आरोपमा छुट्टाछुट्टै स्थानबाट दुई जनालाई पक्राउ गरेको छ ।

प्रहरीका अनुसार १४ वर्षीया बालिकालाई जबरजस्ती करणी गरेको अभियोगमा उदयपुरको चौदण्डीगढी नगरपालिका-९ अजयगरा बस्ने १९ वर्षीय सुजन सदालाई सोमबार साँझ पक्राउ गरिएको छ ।

सुजनले ती बालिकालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय बेल्टारबाट खटिएको प्रहरीले उनलाई पक्राउ गरेको हो ।

त्यस्तै, ८ वर्षीया बालिकालाई जबरजस्ती करणी गरेको अभियोगमा पर्वतको विहादी गाउँपालिका-६ चर्काङ बस्ने ६४ वर्षीय भुवानन्द तिवारीलाई आइतबार दिउँसो प्रहरीले पक्राउ गरेको छ ।

भुवानन्दले ती बालिकालाई जबरजस्ती करणी गरेको भन्ने उजुरीको आधारमा प्रहरी चौकी सेतीवेणीबाट खटिएको प्रहरीले उनलाई पक्राउ गरेको हो । यस सम्बन्धमा थप अनुसन्धान भइरहेको प्रहरीले जनाएको छ ।

प्रकाशित मिति: मंगलबार, साउन ६, २०८२ १३:३३

प्रतिक्रिया दिनुहोस्