शेयर बजारमा साढे २६ अर्बको कारोबारः ६३ कम्पनीको शेयर मूल्य बढ्दा, १८६ कम्पनी घाटामा

शेयर बजार

गृहपृष्ठ
शेयर बजार
शेयर बजारमा साढे २६ अर्बको कारोबारः ६३ कम्पनीको शेयर मूल्य बढ्दा, १८६ कम्पनी घाटामा

शेयर बजारमा साढे २६ अर्बको कारोबारः ६३ कम्पनीको शेयर मूल्य बढ्दा, १८६ कम्पनी घाटामा

आइतबार, साउन ११, २०८२ शब्दचित्र

काठमाडौं । साताको पहिलो कारोबार दिन आइतबार शेयर बजार परिसूचक नेप्सेमा दोहोरो अंकको गिरावट आएको छ । आज बजार १८.४४ अंकले घटेर २९६४.२० बिन्दुमा पुगेर बन्द भएको हो ।

बजार घटेसँगै ठूला कम्पनीको कारोबार मापन गर्ने सेन्सेटिभ इन्डेक्स पनि घटेको छ । त्यस्तो इन्डेक्स आज ३.२६ अंकले घटेर ५१३.८७ बिन्दुमा पुगेर बन्द भएको छ ।

त्यस्तै १३ मध्ये पाँच समूहको सूचक बढ्दा ८ समूहको सूचक घटेको छ । आज ट्रेडिङ समूहको सूचक सर्वाधिक १.४४ प्रतिशतले बढ्दा फाइनान्स समूहको सूचक सबैभन्दा धेरै १.९९ प्रतिशतले घटेको छ ।

नेप्सेका अनुसार आज बजारमा ५ करोड ८६ लाख ५३ हजार ७६२ कित्ता शेयर किनबेच हुँदा २६ अर्ब ५७ करोड ७४ लाख ३८ हजार २३७ रुपैयाँको कारोबार भएको छ । आज कारोबार भएकामध्ये ६३ कम्पनीको शेयर मूल्य बढेको छ भने १८६ कम्पनीको शेयर मूल्य घटेको छ ।

आज समता घरेलु लघुवित्त र ट्रेड टावरको शेयर मूल्यमा सकारात्मक सर्किट लाग्दा सान्भी इनर्जीको पनि सर्किट लेबलमा कारोबार भएको छ । आज नारायणी डेभलपमेन्ट बैंकको शेयर मूल्य सबैभन्दा धेरै घटेको छ । त्यस्तै आज शिवम् सिमेन्टको सर्वाधिक कारोबार भएको थियो ।

प्रकाशित मिति: आइतबार, साउन ११, २०८२ १५:४८