कांग्रेसमा किचलो : देउवाविरूद्ध विरोधपत्र दर्ता गराउने पौडेल पक्षको तयारी

राजनीति

गृहपृष्ठ
राजनीति
कांग्रेसमा किचलो : देउवाविरूद्ध विरोधपत्र दर्ता गराउने पौडेल पक्षको तयारी

कांग्रेसमा किचलो : देउवाविरूद्ध विरोधपत्र दर्ता गराउने पौडेल पक्षको तयारी

सोमबार, असोज १२, २०७७ शब्दचित्र

काठमाडौं । महाधिवेशन नजिकिँदै जाँदा नेपाली कांग्रेसमा विवाद पनि बढ्दै गएको छ । पार्टी सभापति शेरबहादुर देउवाले एक पक्षीय रुपमा निर्णय गर्दै आएको भन्दै संस्थापनइतर समूहले विरोध जनाउँदै आएको छ ।

असन्तुष्ट पक्षले देउवाले एकपक्षीय रूपमा गरेका निर्णयहरु सच्याउनु पर्ने भन्दै पार्टी कार्यलयमा विरोध पत्र बुझाउने भएको छ ।

वरिष्ठ नेता रामचन्द्र पौडेलको समूहले सभापति देउवाले गरेका पछिल्ला निर्णय सच्याउन माग गर्दै सोमबार विरोधपत्र दर्ता तयारी गरेको हो ।

आइतबार नै विरोधपत्र दर्ता गराउन खोजे पनि अर्का नेता कृष्णप्रसाद सिटौला समूहलाई पनि साथमा लिन पौडेल समूहले सो कार्यक्रम एक दिन पछि धकेलेको थियो ।

तर सिटौलालाई मनाउने प्रयास असफल भएपछि आज दर्ता गर्न लागिएको हो ।

कामचलाउको रुपमा मात्र रहेका सभापतिले आफुखुसी क्रियाशील सदस्यता वितरण, बिभिन्न विभाग गठन र विस्तारका काम विधान विपरित गरेको भन्दै पौडेल समूहले निरन्तर बिरोध गरिरहेको छ ।

प्रकाशित मिति: सोमबार, असोज १२, २०७७ १२:३५