चर्काे शुल्क लिने विद्यालयलाई कारवाही !

समाचार

गृहपृष्ठ
समाचार
चर्काे शुल्क लिने विद्यालयलाई कारवाही !

चर्काे शुल्क लिने विद्यालयलाई कारवाही !

बिहीबार, असोज १५, २०७७ शब्दचित्र

काठमाडौं । कोभिड महामारीका बेला विद्यार्थीको पढाई प्रभावित हुनु स्वभाविक जस्तै बनेको छ । यस्तोमा विद्यालयले अनलाइन कक्षा सुचारु गरेर पनि विद्यार्थीसंग पैसा असुलिरहेकेा छ ।

केही निजी शैक्षिक संस्थाहरुकाे मनाेमानीले अभिभावककाे ढाड सेक्ने काम भइरहेकाले भर्ना शुल्क र महिना शुल्क गरी विभिन्न बहानामा अभिभावकलाइ ठग्ने काम तत्काल बन्द गर्न नेपाली कांग्रेसको प्रमुख भ्रातृ संस्था नेपाल विद्यार्थी सङ्घ (नेविसङ्घ)ले अाग्रह गरेकाे छ ।

नेविसङ्घका अध्यक्ष राजीव ढुङ्गानाले बिहीबार एक विज्ञप्ति जारी गर्दै कक्षा ११ को भर्नाको नाउमा चर्को शुल्क असुल्न खोज्ने विद्यालयहरुलाई तत्काल कारवाही गरिनुपर्ने उल्लेख गरेका छन् ।

निजी शैक्षिक संस्थाले मनलाग्दो शुल्क लिएको व्यापक गुनासो भएपनि कतिपय अभिभावक तिर्न बाध्य भएका छन् । कोभिड–१९ को महामारीका कारण पढाइ प्रभावित भएको अवस्थामा विद्यालयलाई मनपर्दी शुल्क नलिन दवाव दिएका छन् ।

त्यस्तै सर्वसाधारणलाई पिसीआर परीक्षणमा रातभर लाइन बस्नुपर्ने बाध्यता भएकाले त्यसलाई सहज बनाउनुपर्ने विज्ञप्तिमा उल्लेख छ । त्यस्तै डा गोविन्द केसीले उठाएका जायज मागको सम्बोधन गरी डा केसीको जीवनरक्षा गर्न सरकारसँग मागसमेत गरेका छन् । त्यस्तै सम्झना विकको बलात्कारपछि हत्यामा संलग्नलाई तत्काल कडा कारबाही गर्नुपर्ने विज्ञप्तिमा उल्लेख छ ।

प्रकाशित मिति: बिहीबार, असोज १५, २०७७ १३:१६

प्रतिक्रिया दिनुहोस्