प्रतिनिधि सभा विघटनविरूद्ध जसपाले विभिन्न शहरमा प्रदर्शन गर्ने, यी हुन् प्रमुख वक्ता

राजनीति

गृहपृष्ठ
राजनीति
प्रतिनिधि सभा विघटनविरूद्ध जसपाले विभिन्न शहरमा प्रदर्शन गर्ने, यी हुन् प्रमुख वक्ता

प्रतिनिधि सभा विघटनविरूद्ध जसपाले विभिन्न शहरमा प्रदर्शन गर्ने, यी हुन् प्रमुख वक्ता

शुक्रबार, पुस २४, २०७७ शब्दचित्र

काठमाडौं । जनता समाजवादी पार्टी (जसपा) ले प्रधानमन्त्री केपी शर्मा ओलीले असंवैधानिक रूपमा प्रतिनिधि सभा विघटन गरेको भन्दै आन्दोलनको कार्यक्रम घोषणा गरेको छ ।

जसपाले प्रतिनिधि सभा विघटनविरुद्ध देशका विभिन्न शहरमा जनप्रदर्शन र विरोधका कार्यक्रम गर्ने घोषणा गरेको हो । त्यसका लागि जसपाले प्रमुख वक्ता पनि तोकेको छ ।

बिहीबार जसपाका अध्यक्षद्वय महन्थ ठाकुर र उपेन्द्र यादवले चरणवद्ध कार्यक्रमको घोषणा गर्दै विज्ञप्ति जारी गरेका छन् ।

'सरकारलाई संविधानले दिँदै नदिएको अधिकार प्रयोग गरी प्रतिनिधि सभा भंग गरिएको कार्य असंवैधानिक, अलोकतान्त्रिक र प्रतिगमनकारी कार्य हुन्,' उक्त पत्रका भनिएको छ, 'जनआन्दोलन, जनयुद्ध, मधेश जनविद्रोह, आदिवासी जनजाति, थारू लगायतका आन्दोलन र जनसंघर्षहरूका बखत जनताले गरेको संघर्ष, त्याग र वलिदानबाट प्राप्त उपलब्धीहरू- संघीयता, लोकतान्त्रिक गणतन्त्र, समावेशीकरण, धर्मनिरपेक्षता, नागरिक स्वतन्त्रता, मौलिक हक आदि धरापमा पारिएका छन् ।'

जसपाको जनप्रदर्शन तथा विरोधका चरणबद्ध कार्यक्रमअन्तर्गत पुस २५ मा विराटनगरमा डा. बाबुराम भट्टराई, उपेन्द्र यादव र मृगेन्द्रसिंह यादव, धनगढीमा नवराज सुवेदी, गोविन्द चौधरी र दुर्गा सोव तथा भैरहवामा महन्थ ठाकुर, महेन्द्र राय यादव र सर्वेन्द्रनाथ शुक्लालाई प्रमुख वक्ता तोकिएको छ ।

यस्तै पुस २७ गते वीरगन्जमा उपेन्द्र यादव, लालबाबु राउत, लक्ष्मणलाल कर्ण र सुनील रोहित, नेपालगन्जमा अशोक राई, मोहम्मद इस्तियाक राई, अकवाल अहमद र अमृता अग्रहरी तथा जनकपुरमा राजेन्द्र महतो, शरतसिंह भण्डारी, रेणुकुमारी यादव, वृषेशचन्द्र लाल र उमाकान्त झा तोकिएका छन् ।

जसपाले पुस २९ गते पोखरा, सुर्खेत र बिर्तामोड, माघ ३ गते धरान, मलंगवा, सिरहा, कलैया, तौलिहवा र रौतहट तथा ७ गते सबै जिल्लाका सदरमुकामलगायत प्रमुख सहरमा जनप्रदर्शन गर्ने कार्यक्रम तय गरेको छ ।

प्रकाशित मिति: शुक्रबार, पुस २४, २०७७ १२:२०

प्रतिक्रिया दिनुहोस्