प्रतिनिधिसभा विघटनविरुद्ध वृहत् नागरिक आन्दोलनको प्रदर्शन

समाचार

गृहपृष्ठ
समाचार
प्रतिनिधिसभा विघटनविरुद्ध वृहत् नागरिक आन्दोलनको प्रदर्शन

प्रतिनिधिसभा विघटनविरुद्ध वृहत् नागरिक आन्दोलनको प्रदर्शन

शनिबार, माघ १०, २०७७ शब्दचित्र

काठमाडौं । प्रतिनिधिसभा विघटनको विरुद्धमा शान्तिपूर्ण आन्दोलन गर्दै आएको वृहत नागरिक आन्दोलनले शनिबार पनि काठमाडौंको माइतीघरमा प्रदर्शन गरेको छ ।

लोकतन्त्रलाई समाप्त पार्नेगरी संसद विघटन भएको र यो निर्णय सच्याउनुपर्ने मागसहित विभिन्न अभियन्ताहरु प्रदर्शनमा सहभागी भएका छन् ।

लेखक तथा विश्लेषक नारायण वाग्ले, चिकित्सा शिक्षा सुधारका अभियन्ता डाक्टर गोविन्द केसी, लेखक युग पाठकसहितका अभियन्ताले माइतीघरको सडकमा बसेर प्रदर्शन गरेका हुन् ।

उनीहरुले संवैधानिक निकायको कब्जा बन्द गर, असंवैधानिक नियुक्ति खारेज गर, नागरिक अघि बढ्दैछ, सर्वसत्तावाद ढल्दैछ, लगायतका नारा लेखिएका प्लेकार्ड प्रदर्शन गरेका छन् ।

वृहत नागरिक आन्दोलनले पर्सि सोमबार बालुवाटरमा मार्चपास गर्ने कार्यक्रम घोषणा गरेको छ ।

पुस ५ गते प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले संसद विघटन गरेपछि वृहत नागरिक आन्दोलन बनाएर अभियन्ताहरुले विरोध गर्दै आएका छन् ।

प्रकाशित मिति: शनिबार, माघ १०, २०७७ १५:४४

प्रतिक्रिया दिनुहोस्