नेपाली कांग्रेसका महामन्त्री कोइरालाको दाबी गलत

समाचार

गृहपृष्ठ
समाचार
नेपाली कांग्रेसका महामन्त्री कोइरालाको दाबी गलत

नेपाली कांग्रेसका महामन्त्री कोइरालाको दाबी गलत

शुक्रबार, फागुन १४, २०७७ साउथ एसिया चेक

डा. शसांक कोइराला

एपीवान टिभीमा गत फागुन १२ गते प्रसारित द ब्राभो डेल्टा शोका प्रस्तोता भुषण दाहालसँगको अन्तरवार्तामा नेपाली कांग्रेसका महामन्त्री शशांक कोइरालाले नेपालको विकासका लागि सम्भावना भएका विभिन्न क्षेत्रको चर्चा गरेका थिए । नेपालमा पर्यटन, जलविद्युत र कृषिमा लगानी गरी आर्थिक वृद्धि हासिल गर्नसकिने उनको जिकीर थियो ।

आफ्नो अन्तरवार्ताका क्रममा उनले भनेका थिए :

'हाम्रो क्षमता भनेको टुरिजम हो । हाइड्रो हो । टुरिजममा त कोभिडले गरेर समाप्त नै भएको छ । तर इन्टरनल टुरिजम बढेर आएको छ, त्यसले पनि केही धानिराको छ । हाइड्रोमा काम भइरहेको छ । तेस्रो सम्भावना भनेको हाम्रो कृषि नै हो । १७ लाख हेक्टर खेतीयोग्य जमिन छ ।'

साउथ एसिया चेकले कोइरालाको दाबीको तथ्य जाँच गरेको छ ।

कृषि तथा पशुपन्छी विकास मन्त्रालयले प्रकाशित गरेको ‘स्टाटिस्टिकल इन्फर्मेसन अन नेपलिज एग्रिकल्चर २०७५/७६’ प्रतिवेदनका अनुसार नेपालको खेतीयोग्य जमिन ३० लाख ९१ हजार हेक्टर रहेको छ । त्यसैगरी प्रधानमन्त्री कृषि आधुनिकीकरण परियोजनाको वेबसाइटका अनुसार पनि नेपालको कुल खेतीयोग्य जमिन ३० लाख ९१ हजार हेक्टर रहेको छ ।

तसर्थ नेपालको कुल खेतीयोग्य जमिन १७ लाख हेक्टर रहेको भन्ने कोइरालाको दाबी गलत छ ।

दीपक अधिकारी/साउथ एसिया चेक

प्रकाशित मिति: शुक्रबार, फागुन १४, २०७७ १७:१२